Manchester City ka hapur bisedimet për të nënshkruar me një zëvendësues për Kyle Walker, por marrëveshja do të duhet të përfundojë shpejt për ta siguruar atë për 22 milionë paund.
Man City ka shpenzuar shumë këtë verë, duke afruar Tijjani Reijnders nga AC Milan, Rayan Ait-Nouri nga Wolves dhe Rayan Cherki nga Lyon.
Pep Guardiola gjithashtu ka shkurtuar skuadrën e tij, me Kyle Walker që është larguar nga "Etihadi".
Ai është bashkuar me Burnleyn për një shumë që mund të rritet deri në 5 milionë paund, pasi ka nënshkruar një kontratë dyvjeçare me skuadrën e sapo-ngjitur në Premier League.
Guardiola duket se është në kërkim të një zëvendësuesi për Walker përpara sezonit 2025/26.
Sipas "Football Transfers", Man City ka nisur bisedimet me Interin për një marrëveshje për Denzel Dumfries.
Ata e kanë identifikuar Dumfries si zëvendësuesin ideal, për shkak të klauzolës së lirimit në kontratën e tij.
29-vjeçari ka një klauzolë lirimi prej vetëm 25 milionë euro (22 milionë paund), e cila skadon më 15 korrik – prandaj marrëveshja duhet të përfundojë shpejt për të përfituar nga çmimi i ulët.
Sipas raportit, Man City e konsideron këtë marrëveshje si "shumë të mirë për t'u refuzuar".
Megjithatë, City përballet me konkurrencë të fortë nga Barcelona, e cila gjithashtu është informuar për klauzolën modeste të Dumfries.
Por “Blutë” kanë një avantazh, pasi thuhet se kanë një marrëdhënie të shkëlqyer me agjentin e lojtarit, gjë që mund të ndihmojë në realizimin e shpejtë të marrëveshjes.
Dumfries është pjesë e Interit që nga vera e vitit 2021, kur kaloi nga PSV Eindhoven.
Ai ka zhvilluar 179 paraqitje në të gjitha garat dhe ka shënuar 22 gola.
Në sezonin e kaluar, ylli i Interit shënoi 11 gola nga pozita e mbrojtësit anësor.
Dumfries është gjithashtu ndërkombëtar holandez, me 65 paraqitje dhe 10 gola për kombëtaren e Holandës./GazetaExpress/
