Manchester City ka arritur fitoren e katërt radhazi në Premierligë, duke fituar në udhëtim te Crystal Palace.
Në “Selhurst Park”, City fitoi 3-0 ndaj Palacet, shkruan “Gazeta Express”.
Golin e parë për mysafirët e shënoi i zakonshmi, Erling Haaland, në minutën e 41-të të pjesës së parë. Ai u asistua nga Matheus Nunes.
Kështu u mbyll edhe pjesa e parë, teksa City i Guardiolës e gjeti edhe golin e dytë, në pjesën e dytë të ndeshjes.
Phil Foden, i asistuar nga Rayan Cherki, shënoi për 2-0 në minutën e 69-të të takimit.
Golin e tretë të ndeshjes e shënoi përsëri “roboti norvegjez”, nga penalltia, në minutën e 88-të.
Me këtë fitore, City shkon në kuotën e 34 pikëve në vendin e dytë të tabelës, me dy pikë më pak se Arsenali në vendin e parë.
Crystal Palace në anën tjetër është i pesti me 26 pikë./GazetaExpress/
