Chelsea merr një lajm shumë të rëndësishëm para vazhdimit të sezonit, teksa ylli i ekipit, Cole Palmer, është rikthyer në stërvitje të plotë dhe pritet të jetë i gatshëm për ndeshjen e radhës.

Mesfushori ofensiv ka qenë një nga lojtarët më vendimtarë të “Bluve” këtë sezon, duke u bërë lider në golat dhe asistimet e skuadrës.

Rikthimi i Palmer vjen në momentin e duhur për trajnerin Maresca, i cili ka vuajtur mungesa të shumta në repartin ofensiv dhe ka kërkuar vazhdimisht stabilitet në lojë. Me kreativitetin, vizionin dhe qetësinë e tij para portës, Palmer pritet t’i rikthejë ekipit qartësinë dhe ritmin që shpesh ka munguar.

Pas disa javësh jashtë fushe, talenti anglez ka lënë pas problemet fizike dhe është i gatshëm të rikthehet aty ku e la – si pika më e fortë e Chelsea-t në ndërtimin e aksioneve dhe në fazën finale.