Como ka kontaktuar Milanin për të pyetur rreth mundësisë së huazimit të Alex Jimenez me të drejtë blerjeje, raporton Sky Sport Italia, por Real Madrid e komplikon situatën.

20-vjeçari vlerësohet për shumëanshmërinë e tij, pasi mund të luajë në të djathtë ose të majtë, si mbrojtës anësor, si wing-back apo edhe në një rol më të avancuar sulmues.

Sipas Sky Sport Italia, Como i ka kërkuar Milanit informacion për mundësinë e huazimit të Jimenez me opsion blerjeje në fund të sezonit.

Mbetet për t’u parë nëse kuqezinjtë do të jenë të gatshëm ta shqyrtojnë këtë mundësi, pasi ai është ende pjesë e planeve të trajnerit të ri, Max Allegri.

Problemi më i madh lidhet me Real Madridin, i cili ende ka një klauzolë rikthimi për ta marrë atë në “Santiago Bernabeu” për 9 milionë euro në vitin 2025, ose për 12 milionë euro nëse kjo vonohet deri në vitin 2026.

Kjo ishte pjesë e marrëveshjes së arritur kur Jimenez u shit te Milani në verën e vitit 2024 për 5 milionë euro, pas një periudhe huazimi fillestare.

Spanjolli zhvilloi 28 paraqitje zyrtare sezonin e kaluar për kuqezinjtë, duke dhënë dy asistime./GazetaExpress/