Antonio Conte nuk ishte aspak komplimentues për ish-sulmuesin e tij te Chelsea, Diego Costa, duke këmbëngulur se: “Në futboll ka njerëz inteligjentë dhe njerëz budallenj, ndaj nuk do ta humbas kohën duke lexuar çfarë thonë.”
Trajneri i “Partenopeit” po kalon një periudhë të vështirë forme, me shumë dëmtime dhe së fundmi u mposht 3-0 nga ish-skuadra e tij Juventus në Serie A.
Pas disa javësh të vështira, Conte doli luftarak në konferencën për shtyp para ndeshjes vendimtare të Napolit në Ligën e Kampionëve të mërkurën mbrëma: si Diego Costa ashtu edhe Luciano Spalletti ishin ndër ata që morën “thumbime” nga trajneri i Napolit.
Diego Costa, i cili fitoi Premierligën nën drejtimin e Contes me Chelsea në sezonin 2016-17, ishte së fundmi i ftuar në podcastin “The Obi One” të John Obi Mikel.
Ish-reprezentuesi i Spanjës, me origjinë braziliane, nuk dha aspak referencë të mirë për Conten kur foli për kohën e tij nën drejtimin e tij.
“Conte është në rregull si trajner profesionist, por si person është gjëja më e keqe që mund të kesh çdo ditë. Është shumë keq,” tha Costa.
“Ai është një person që nuk u beson të tjerëve, mendon se di gjithçka. Nuk e shijon stërvitjen me të. Është gjithmonë i zemëruar, gjithmonë me fytyrë të varur. Ndoshta nuk bën seks në shtëpi sepse është shumë i hidhur. Është për të ardhur keq sepse isha shumë i lumtur te Chelsea, por nuk doja të krijoja probleme në klub. Nëse do të kthehesha, lojtarët donin që unë të kthehesha, por askush nuk e pëlqente atë. Kjo është arsyeja pse ai nuk zgjati shumë”, shtoi ai.
Conte, duke folur në konferencën për shtyp para ndeshjes së Napolit në Ligën e Kampionëve kundër Chelseat, u pyet për reagimin e tij ndaj komenteve të Costas.
Ai tha: “Sinqerisht, nuk harxhoj energji duke lexuar apo ndjekur çfarë thuhet nëpër gazeta. Në futboll ka njerëz inteligjentë dhe njerëz budallenj, ndaj nuk do ta humbas kohën duke lexuar çfarë thonë.
“Costa ishte me mua për një sezon. Mund të flas për futbollin: ne fituam kampionatin dhe pastaj ai u përpoq të largohej tri herë brenda të njëjtit sezon. Pas kësaj, nuk e di çfarë ndodhi”, përfundoi Conte./GazetaExpress/
