Në një ngatërresë të pazakontë pas ndeshjes, Cremonese u largua nga Reggio Emilia pas takimit si mysafir kundër Sassuolos pa Emil Auderon, i cili u detyrua të kthehej i vetëm në Cremona me makinë.

Cremonese e harroi portierin e saj Audero pas humbjes 1-0 në transfertë ndaj Sassuolos të dielën.

Sipas “Sky Sport Italia”, Audero po fliste me disa gazetarë indonezianë në zonën mikse pas ndeshjes, kur autobusi i ekipit të Cremonese u largua nga “Mapei Stadium” pa e vënë re që portieri nuk kishte hipur.

Pasi u njoftuan nga drejtuesit e Sassuolos se Audero ishte ende në stadium, Cremonese organizoi një shofer privat për ta dërguar atë përsëri në shtëpi.

Cremonese po përjeton gjithashtu vështirësi në fushë kohët e fundit, pasi ka grumbulluar vetëm tre pikë në tetë ndeshjet e fundit të Serie A.

Gjatë kësaj periudhe kanë shënuar vetëm dy gola, por gjithsesi ndodhen në vendin e 14-të të renditjes, gjashtë pikë mbi zonën e rënies nga kategoria.

Të hënën e ardhshme, ata presin Interin në “Stadio Zini” dhe shpresohet që këtë herë asnjë lojtar të mos ketë probleme për t’u kthyer në shtëpi pas ndeshjes./GazetaExpress/