Cristiano Ronaldo kryeson për të tretin vit radhazi listën e Sportico të 100 sportistëve më të paguar në botë, me të ardhura vjetore të vlerësuara në 260 milionë dollarë, përfshirë 200 milionë nga Al Nassr dhe 60 milionë nga kontratat reklamuese.

LeBron James është i vetmi amerikan në top 5, me të ardhura totale 128.7 milionë dollarë, duke përfshirë 80 milionë nga sponsorët.

NBA dhe NFL dominuan listën me 62 sportistë amerikanë, ndërsa futbolli ka 13 të përfshirë, përfshirë yjet e Saudi Pro League si Karim Benzema dhe Sadio Mané.

Tenistja Coco Gauff ishte sportistja më e paguar femër në 2025 me 31 milionë dollarë, por gratë nuk u përfshinë në 100-shen kryesore për të tretin vit radhazi.

Në total, 100 sportistët më të pasur fituan 6.05 miliardë dollarë, nga të cilat 4.63 miliardë nga paga dhe shpërblime dhe 1.42 miliardë nga sponsorët. /GazetaExpress