Stephen Curry dhe e gjithë skuadra e Golden State Warriors e kanë ndalur punën për sezonin aktual të NBA, pasi që kjo ligë u ndal përkohësisht të mërkurën, shkaku i koronavirusit. Të premten, Distrikti i Shkollave të Oakland vendosi t’i mbyllë përkohësisht edhe shkollat.
Mbi 18 mijë fëmijë në Oakland të Shteteve të Bashkuara të Amerikës mbështetën në ushqimet që ua jep shkolla për të ngrënë bukë të paktën dy herë në ditë. Tani që shkollat janë ndalur, këta fëmijë do ta kenë të pamundur të ushqehen në të njëjtën mënyrë, transmeton Gazeta Express.
Për këtë arsye, ylli i NBA Stephen Curry dhe bashkëshortja e tij, Ayesha, lajmëruan të shtunën se ata janë duke tentuar t’u dalin në ndihmë këtyre fëmijëve.
Familja Curry, përmes shoqatës së tyre bamirëse “Eat.Learn.Play.”, kanë dhuruar para për Alameda Food Bank, në mënyrë që të shërbehen në formë mense për ata fëmijë.
“Ne po tentojmë ta bëjmë atë pjesë të detyrës që na takon neve. Shpresoj që ju do t’i bashkoheni kësaj beteje me ne dhe do ta mbështetni njëri-tjetrin përderisa ne po kalojmë nëpër këtë periudhë pasigurie në komunitetin tonë”, tha Curry.
Oakland is closing schools bc of COVID-19. We support this decision but are concerned a/b the 18,000+ kids that rely on school for 2+ meals daily. @eatlearnplay is donating to @ACCFB to ensure every child has access to the food they need. Join us & donate https://t.co/nDqF7OoO0Z pic.twitter.com/nFp0w1eFqH
Steph Curry dhe Ayesha i ftuan edhe ndjekësit e tyre në rrjete sociale ta bëjnë të njëjtën gjë. /Gazeta Express/
