Interi e ka identifikuar mesfushorin e Liverpoolit, Curtis Jones, si kandidatin kryesor për të zëvendësuar Davide Frattesin, i cili është shumë pranë përfundimit të transferimit te Nottingham Foresti.
Sipas “Sky Sport”, siç raporton “FCInterNews”, “Nerazzurrët” kanë hapur bisedime të drejtpërdrejta me klubin anglez për të siguruar shërbimet e mesfushorit anglez.
Jones tashmë ka shprehur interesin e tij për një kalim në “San Siro” dhe ka dhënë miratimin fillestar për transferimin.
25-vjeçari tani po pret që Liverpooli të japë dritën jeshile përfundimtare për operacionin.
Marrëveshja është e lidhur ngushtë me largimin e Frattesit.
Me mesfushorin italian që tashmë ka aprovuar kalimin te Foresti, Interi po punon me shpejtësi për të siguruar që Cristian Chivu të mos mbetet me mungesa në mesin e fushës.
Ndërsa lojtari është i etur për këtë aventurë të re në Serie A, fokusi tani është te negociatat mes dy klubeve për të gjetur një marrëveshje mbi formulën dhe shifrat, përpara se afati kalimtar të mbyllet./GazetaExpress/
