Dafina Zeqiri ka qenë aktive gjatë gjithë vitit të kaluar me këngë të reja edhe pse shpërtheu pandemia në tërë botën

Ajo e ka nisur kështu edhe më 2021 ku është shfaqur në një stil unik dhe të veçantë gjatë xhirimeve të një spoti të ri.

E për tekstin e këngës, “Zili, Zili”, Dafina ka shkruar se ai përshkruan personat që kanë humbur vetëbesimin.

“Zili Zili, është përshkrim i mungesës së vetëbesimit dhe nënshtrimit që si femrat po ashtu edhe meshkujt i bëjnë vetës për të përmbushur lakmitë e veta...Secili nga ne duhet të këtë më shumë respekt për veten, moral dhe karakter më të fortë në mënyrë që ‘zilia’ të mos zë vend në jetët tona”, ka shkruar Dafina në këtë përgjigje për këngën e saj të fundit. /GazetaExpress/