Një person shtiu me armë zjarri në qendër të Podujevës sot në mesditë.
Ai është arrestuar dhe policia po e heton rastin.
Ndërkaq, EO ka publikuar momentin e kapjes së tij nga gjashtë policë që shihen duke vrapuar drejt tij.
Lajmin për arrestimin e të dyshuarit më herët e ka konfirmuar zëdhënësja e policisë, Flora Ahmeti.
“Rreth orës 13:30 është raportuar për një gjuajtje me armë zjarri në rrugën ”Zahir Pajaziti” në Podujevë. Menjëherë pas marrjes së informatës policia ka dalë në vendin e ngjarjes dhe ka arrestuar personin e dyshuar. Policia ka nisur hetimet lidhur me rrethanat që karakterizojnë rastin. Bazuar në të dhënat fillestare nuk raportohet për persona te lënduar”, tha ajo./Express/
