Daniel Lekndreaj është zgjedhur MVP për javën e 26-të në Superligën e Kosovës në basketboll.

Basketbollisti i Pejës shkëlqeu në fitoren që skuadra e tij e shënoi në udhëtim te Prizreni-16 me rezultatin 82:108, shkruan Gazeta Express.

Lekndreaj regjistroi “double-double” në këtë ndeshje, duke qenë ndër më meritorët për fitoren e pejanëve.

Shkodrani me nënshtetësi të Kosovës, kontribuoi 24 pikë e 13 kërcime, si dhe shtoi shtatë asistime. /Gazeta Express/