Përfaqësuesja e Kosovës ka zhvilluar mëngjesin e sotëm stërvitjen e fundit përpara ndeshjes kyçe kundër Sllovenisë, në kuadër të kualifikimeve për Kupën e Botës.

Federata e Futbollit e Kosovës publikoi disa fotografi nga stërvitja, duke treguar përkushtimin dhe motivimin e lojtarëve.

Një fitore ose barazim do t’i siguronte Kosovës pjesëmarrjen në “playoff”-in e Botërorit, një arritje historike që do të shënonte momentin më të madh të ekipit që nga pranimi në FIFA dhe UEFA.

Tifozët presin me padurim këtë ndeshje dhe shpresojnë që Dardanët të bëjnë historinë. /GazetaExpress/