Afati kalimtar i kësaj vere pritet të jetë shumë i ngarkuar për Barcelonën, e cila synon të bëjë përforcime të rëndësishme në skuadrën e Hansi Flick.

Por po aq e rëndësishme do të jetë edhe largimi i lojtarëve që nuk bëjnë më pjesë në planet kryesore, detyrë kjo që i është besuar drejtorit sportiv Deco.

Barcelona shpreson ta finalizojë rikthimin në rregullin 1:1 të La Ligas para përfundimit të sezonit, çka do ta bënte edhe më të domosdoshëm shitjen e lojtarëve – pasi kështu do të krijoheshin më shumë fonde për shpenzime.

Sipas “Sport”, Deco dëshiron që Marc-Andre ter Stegen dhe Ansu Fati të largohen përfundimisht gjatë verës.

Të dy aktualisht janë të huazuar, përkatësisht te Girona dhe Monaco, dhe gjasat janë të vogla që të rikthehen në ekipin e parë nëse kthehen në Kataloni në fund të sezonit.

Monaco ka një opsion blerjeje për Fatin, por me shumë gjasa nuk do ta aktivizojë atë. Nëse Barcelona arrin të shesë si Fatin ashtu edhe ter Stegen gjatë verës, do të lirohej një hapësirë e konsiderueshme në buxhetin e pagave, e cila mund të përdoret për regjistrimin e afrimeve të reja.

Është thelbësore që Barcelona të largojë lojtarët e padëshiruar këtë verë. Fati dhe ter Stegen konsiderohen në këtë kategori, dhe e njëjta gjë mund të vlejë edhe për Robert Lewandowski, kontrata e të cilit pritet të mos zgjatet para se të skadojë në qershor.

Do të jetë shumë interesante të shihet se si do të zhvillohet merkatoja verore për Barcelonën. Përforcimet e mëdha janë objektiv, por po aq e rëndësishme do të jetë edhe largimi i lojtarëve si Fati dhe ter Stegen, të cilët duket se nuk kanë më të ardhme në “Spotify Camp Nou”./GazetaExpress/