A kanë ecur tashmë në korridor Loredana (29-vjeçe) dhe futbollisti Karim Adeyemi (22-vjeç)? Marrëdhënia mes të dyve duket se po bëhet gjithnjë e më serioze, shkruan prestigjiozja zvicerane, 20 minuten

Në rrjetet sociale, reperja e ka quajtur nënën e Karimit si vjehrrën e saj, ndërsa Karim i tha një gazetari sportiv se “gruaja e tij” i kishte gatuar brokoli për darkë, transmeton Telegrafi..

A është bërë Loredana nuse?

“Mbreti Lori”, siç e quan ajo veten, ka mbështetur të dashurin e saj në një ndeshje futbolli. Ajo ishte ulur në tribunë me nënën e tij.

Ajo i ka vënë si mbishkrim fotografisë: “Vjehrra e lumtur, nusja e lumtur”.

Adeyemi shënoi tre gola në pjesën e parë. Muzikantja mezi i ka mbajtur emocionet, siç shihet edhe në videon e postuar në Tiktok.

Kur 22-vjeçari u pyet pas ndeshjes se çfarë e bën atë “aq të mirë” në punën e tij për momentin, ai u përgjigj: “Dje gruaja ime bëri brokoli, ndoshta kjo është arsyeja”. 

Ashtu është, tashmë Karimi e quan Loredanën gruan e tij. A është ky një tjetër tregues i një martese të fshehtë?

Përdoruesit në rrjete sociale po festojnë deklaratën e tij, përkundër se çifti nuk u deklarua akoma.

Loredana nga ana tjetër i ka kushtuar një këngë dashurie

Ata e bënë publike dashurinë e tyre në Instagram vitin e kaluar. Loredana tha se futbollisti i kishte shkruar në Instagram, por ajo nuk i ishte përgjigjur menjëherë.

“Ai është shumë i ri, çfarë po mendon?”, pyeti veten nëna e një vajze.

Karim përfundimisht ishte në gjendje ta bindte atë të dilte në një takim. Loredana doli për një qebap me lojtarin dhe ja ku janë tani.

Reperja i ka bërë të dashurit një dhuratë të ëmbël në ‘Ditën e të Dashuruarve’: I ka kushtuar një këngë dashurie.

Fansat ndërkohë pajtohen me gjithë këtë: “Kjo është se si duket dashuria e vërtetë”.