Real Madrid konfirmoi të enjten se mesfushori francez Aurélien Tchouaméni ka pësuar një dëmtim në muskul, dhe sipas burimeve të ESPN, ai do të mungojë për rreth tre javë - përcjellë Gazeta Express.

Tchouaméni luajti të gjitha 90 minutat në ndeshjen kundër Liverpoolit në Ligën e Kampionëve të martën, që përfundoi me fitoren 1-0 të skuadrës angleze. Megjithatë, pas ekzaminimeve të kryera nga stafi mjekësor i klubit madrilen, u konstatua se lojtari ka nevojë për pushim dhe trajtim.

“Në vijim të testeve të kryera sot mbi lojtarin tonë Aurélien Tchouaméni nga shërbimet mjekësore të Real Madridit, ai është diagnostifikuar me një dëmtim në muskulin e kofshës së majtë. Procesi i tij i rikuperimit do të monitorohet,” thuhej në deklaratën zyrtare të klubit.

Ky dëmtim do ta pengojë mesfushorin të kthehet në fushë me kombëtaren franceze, pasi ai ishte i pezulluar për raundin e fundit të kualifikueseve të Kupës së Botës në tetor.

Tchouaméni do të mungojë gjithashtu në ndeshjet e LaLigës kundër Rayo Vallecano dhe Elche, por pritet të rikthehet në kohë për përballjen e rëndësishme të Ligës së Kampionëve kundër Olympiacosit në Greqi më 26 nëntor.

/GazetaExpress/