Drita dhe Shkëndija kanë mësuar kundërshtarët e tyre në fazën e ligës në Ligën e Konferencës.

Në shortin e tërhequr sot në Monaco, Drita dhe Shkëndija u shortuan të përballen me njëra-tjetrën gjatë fazës së ligës në këtë garë.

Dueli mes Dritës dhe Shkëndijës do të luhet në Prishtinë, në stadiumin "Fadil Vokrri".

Përveç Shkëndijës, Drita do të ndeshet edhe me AZ Alkmaar, Rayo Vallecano, Omonoia, Kuopio dhe Shelbourne.

Ndërkohë, Shkëndija përveç duelit me gjilanasit, do të ndeshet edhe me Slovan Bratislavën, Rayo Vallecanon, Jagiellonian, Shelbournen dhe AEK Larnaca.