Lidhja Demokratike e Kosovës para seancës konstituive të Kuvendit do të mbajë mbledhje të kryesisë së partisë.

Ashtu siç është bërë e ditur përmes një komunikate për media, mbledhja e Kryesisë do të mbahet në orën 10:00.

Mediat mund të marrin vetëm pamje në fillim të takimit, ndërsa më vonë do të lëshohet komunikatë.

Mbledhja e Kryesisë së LDK-së vjen pas dështimit që marrëveshja me VV-në të realizohet para seancës konstituive të Kuvendit.

Dy partitë, tashmë kanë bërë të qarta pengesat që janë mes tyre për arritjen e koalicionit.

Që nga fillimi, kërkesa e LDK-së për postin e presidentit, si dhe Ministria e Punëve të Brendshme tash së fundmi, janë bërë “mollë sherri” që këto dy parti të mos merren vesh për koalicionin që ua siguron atyre qeverisjen.