Fituesja e “Big Brother VIP 3”, Egla Ceno, dhe finalisti i këtij sezoni, Meriton Mjekiqi, kanë tronditur ndjekësit me një takim të papritur

Dyshja, që gjatë kohës në shtëpinë më të famshme në Shqipëri, ka pasur marrëdhënie shumë të tensionuara, është parë duke darkuar së bashku, duke ngritur dyshime për një marrëdhënie të re mes tyre jashtë lojës.

Egla dhe Meritoni ishin ndër banorët më të diskutueshëm të edicionit të tretë të reality show-t. Konfliktet mes tyre arritën kulmin kur Egla u skualifikua pas një debati të ashpër, ku ajo i hodhi alkool Meritonit.

Megjithatë, ajo u rikthye në shtëpi falë votave të publikut dhe arriti deri në fitoren e sezonit.

Takimi i tyre jashtë shtëpisë ka tërhequr vëmendje të madhe në rrjetet sociale, veçanërisht pas një postimi të Meritonit në “Instastory”, ku ai ndau një foto me Eglën dhe shkroi: “E dua”.

Egla e rishpërndau këtë postim dhe shtoi një koment intrigues: “Më do”.

Ky moment ka nxitur spekulime të shumta ndër ndjekësit, të cilët po pyesin nëse dyshja ka lënë pas konfliktet dhe ka ndërtuar një miqësi të re, apo ndoshta diçka më shumë.

Mbetet të shihet nëse ky është një pajtim i sinqertë apo thjesht një moment kalimtar mes dy ish-banorëve më të komentuar të BBVA 3.