Mbrojtësi i krahut i Interit dhe i kombëtares së Italisë, Federico Dimarco, është tashmë vetëm një asist larg barazimit të rekordit të Serie A për më shumë asiste në një sezon të vetëm, pasi dhuroi dy gola për bashkëlojtarët e tij në fitoren 2-0 si mysafir ndaj Leccet të shtunën.

Dimarco po kalon formën më të mirë të karrierës së tij dhe së fundmi është përmendur si një nga kandidatët kryesorë për çmimin MVP të kampionatit në fund të sezonit 2025-26, teksa Interi aktualisht kryeson tabelën me 10 pikë diferencë.

Aktualisht, Dimarco numëron 15 asiste në 24 paraqitje në Serie A. Ai shtoi edhe dy të tjera në fitoren 2-0 ndaj Lecces, ku golat e Henrikh Mkhitaryan dhe Manuel Akanji erdhën drejtpërdrejt nga goditjet e këndit të ekzekutuara prej tij.

Vetëm Papu Gomez, me 16 asiste në sezonin 2019-20, ka regjistruar më shumë asiste në një edicion të vetëm të Serie A sesa mbrojtësi zikaltër në sezonin 2025-26 (15).

Dimarcos i nevojitet vetëm edhe një asist në 12 ndeshjet e mbetura të sezonit për të barazuar rekordin e Papu Gomez, ndërsa me dy do ta thyejë atë. Deri tani këtë sezon, 28-vjeçari ka një mesatare prej një asisti çdo 1.2 ndeshje.

Përveç kësaj, reprezentuesi italian ka realizuar edhe pesë gola në 24 paraqitje në Serie A, duke arritur në total 20 kontribute në gola nga pozita e mbrojtësit të majtë në krah./GazetaExpress/