Distria Krasniqi po vazhdon me formë të mirë në Grand Prix e Portugalisë.

Xhudistja kosovare ka arritur me sukses që të kalojë në gjysmëfinale në kategorinë deri në 52 kilogramë.

Ajo në çerekfinale e mposhti xhudisten spanjolle, Ariane Toro Soler. Spanjollja mori tri penalizime, me ç'rast e humbi duelin.

Kampionia olimpike e mposhti xhudisten franceze Leonie Gonzalez në raundin e dytë, duke kaluar kështu në çerekfinale, shkruan Gazeta Express.

Në raundin e parë, Krasniqi kaloi pa luftë, falë sukseseve të mëdha që ka arritur.

Kujtojmë se dy xhudistet tjera kosovare, Erza Muminoviq dhe Flaka Loxha u eliminuan më herët. /Gazeta Express/