Sot do të zhvillohet finalja e madhe e Wimbledonit. Dy tenistët, Novak Djokovic dhe Nick Kyrgios do të garojnë për ta fituar këtë Grand Slam prestigjioz.
Tenisti serb arriti në finale me mjaft peripeci, duke fituar fillimisht në çerekfinale me rikthim 3:2, kurse në gjysmëfinale po ashtu me rikthim 3:1 ndaj Cameron Norrie.
Në anën tjetër, Nick Kyrgios pati fat, pasi në gjysmëfinale, Nadal u tërhoq për shkak të një lëndimi dhe tenisti australian kaloi direkt në finale.
Momentalisht, Djokovic renditet si i treti më i miri në botë, kurse Kyrgios zë pozitën e 40-të.
Në dy përballjet direkte, fitues ishte Nick Kyrgios. Dueli mes tyre nis sot nga ora 15:00. /Gazeta Express/
