Vetëm dy javë pasi u përjashtua nga US Open për shkak se e goditi me top gjyqtaren i mllefosur, Novak Djokovic e humbi toruan përsëri midis takimit çerekfinal që e fitoi kundër tenistit gjerman Dominik Koepfer në Italian Open të shtunën.
Kur Djokovic e humbi shërbimin dhe gjermani e barazoi rezultatin 3-3 në setin e dytë, ai e goditi reketin në dheun e kuq plotësisht i tërbuar, transmeton Gazeta Express.
Pasi korniza iu thye dhe telat iu çorientuan, Djokovic u detyrua ta marrë një reket të ri dhe u paralajmëruar nga gjyqtari kryesor.
“Kjo nuk është hera e parë e as e fundit që unë do ta thyej reketin në karrierën time”, tha Djokovic.
“Nuk dua ta bëj, por ndodh. Kështu e largoj mllefin unë nganjëherë dhe, patjetër se ky nuk është mesazhi më i mirë, posaçërisht për lojtarët e rinjtë të tenisit që me marrin shembull mua dhe patjetër që s’i nxis ta bëjnë të njëjtën”, shtoi ai.
Numri një i botës u përjashtua nga US Open pasi e qëlloi paqëllimshëm me top në fyt gjyqtaren e vijave i mllefosur. Pasi u diskualifikua, Djokovic tha se do ta përmirësonte sjellën.
Por edhe para se ta thyente reketin në ndeshjen e së shtunës në Romë, serbi e shfaqi zemërimin duke argumentuar me gjyqtarin për shkak të disa vendimeve të tij.
“Ky jam unë. Natyrisht që nuk jam i përkryer por po mundohem ta jap më të mirën”, nënvizoi ai. /Gazeta Express/
