Njoftimi për Lucas Chevalier te Paris Saint-Germain konfirmon pse Gianluigi Donnarumma u la pas dore, dhe është një çështje që ka ndikuar italianin gjatë gjithë karrierës së tij.
Shumë u habitën nga vendimi për të shpenzuar diku 55 milionë euro duke përfshirë shtesat për të blerë Chevalier nga LOSC, kur tashmë kishin ndoshta portierin më të mirë në botë aktualisht.
Është e vërtetë që problemi kryesor ishin negociatat e kontratës, pasi marrëveshja e tij aktuale skadon në fund të sezonit dhe Donnarumma refuzoi uljen e pagës ose ristrukturimin e marrëveshjes që do ta kthente pjesën më të madhe të pagës së tij në bonuse të lidhura me performancën.
Gjatë prezantimit të Chevalier, u bë e qartë edhe një çështje tjetër për rreth portierit italian.
Chevalier sjell atë që i mungon Donnarummas
“Komod në vijën e portës, në situata një-në-një, dhe në ajër, ai gjithashtu ka aftësi të shkëlqyera në pasimin e topit,” thuhej në deklaratën e PSG-së.
Nuk është sekret që Luis Enrique pëlqen të nisë aksionet nga prapavija dhe kjo është diçka me të cilën Donnarumma gjithmonë ka pasur vështirësi.
“Është një trajner që ka një stil loje të veçantë,” shtoi Chevalier për faqen e klubit.
“Roli i portierit është shumë i rëndësishëm në sistemin e tij, ai pret që unë të jem në qendër të aksioneve, që unë të jem një vlerë e shtuar. Është lavdëruese që ai e pa këtë tek unë.”
Donnarumma sigurisht që ka përmirësuar lojën me topin në këmbë krahasuar me ditët e tij të para te Milani dhe për Italinë, por kjo mbetet një dobësi e padiskutueshme në lojën e tij.
Një pritës i shkëlqyer i gjuajtjeve, ai megjithatë nuk është portieri që dëshiron të veprojë si një “sweeper” (pasues) shtesë. /GazetaExpress/
