Presidenti i SHBA-së, Donald Trump, ka reaguar me tone të ashpra ndaj kryeministrit britanik Keir Starmer, duke e akuzuar se po bën një gabim të madh lidhur me humbjen e mundshme të kontrollit mbi atolin strategjik Diego Garcia.

Trump paralajmëroi se Mbretëria e Bashkuar nuk duhet, në asnjë mënyrë, të heqë dorë nga ishulli i vendosur në një pikë kyçe të Oqeanit Indian, përmes asaj që ai e cilësoi si një marrëveshje të dyshimtë 100-vjeçare me Mauritius.

Sipas tij, një marrëveshje e tillë përbën një gabim serioz dhe heqja dorë nga territori do të ishte njollë për një nga aleatët më të mëdhenj të Shteteve të Bashkuara. Trump shtoi se i ka theksuar vazhdimisht kryeministrit britanik se marrëveshjet afatgjata të qirasë nuk janë zgjidhje e mirë kur bëhet fjalë për çështje shtetërore dhe interesa strategjike.

Presidenti amerikan paralajmëroi gjithashtu se, nëse Iran refuzon të arrijë një marrëveshje me SHBA-në, mund të bëhet e nevojshme përdorimi i bazës në Diego Garcia për qëllime ushtarake.

Deklaratat u bënë në kuadër të Këshillit të Paqes, ku sipas White House pritet të marrin pjesë rreth 20 vende. Trump u shpreh se Irani duhet të veprojë shpejt për të arritur një marrëveshje, në mënyrë që të shmangen zhvillimet më të rënda. /Panorama