Portieri italian i Manchester Cityt, Gianluigi Donnarumma, ka deklaruar se periudha që po kalon në Premier League është më e suksesshmja e karrierës së tij që nga transferimi në Angli në vitin 2025, pas disa sezonesh të suksesshme me Paris Saint-Germainin.

26-vjeçari arriti të fitojë Ligën e Kampionëve dhe disa tituj të Ligue 1 me PSG-në, përpara se të bashkohej me klubin anglez në ditën e fundit të afatit kalimtar veror.

Duke folur për eksperiencën e tij në futbollin anglez, Donnarumma e cilësoi Premier League si kampionatin më konkurrues në botë. “Është liga më e fortë në botë. Ndeshjet janë spektakolare edhe për t’u parë, edhe më të këndshme për t’u luajtur”, u shpreh portieri italian.

Ai shtoi se zgjedhja për të ardhur te Manchester City nuk ishte rastësore. “Të gjithë flisnin shumë mirë për klubin dhe kur erdha, ndjeva menjëherë se kisha gjetur një familje të madhe. Jam jashtëzakonisht i lumtur që jam këtu”, tha Donnarumma.

Portieri i njohur përfundoi me një mesazh mirënjohjeje për klubin dhe trajnerin Pep Guardiola: “Mjedisi te City është i ngrohtë dhe mbështetës. Ndjenja që klubi të dëshiron kaq shumë dhe të punosh me një trajner si Guardiola është një burim i madh krenarie. Jam vërtet i lumtur që bëj pjesë në këtë grup dhe familje të madhe”. /GazetaExpress