Milani ka marrë një fitore dramatike 1-0 ndaj Lazios në “San Siro”, me Rafael Leaon që shënoi golin e vetëm në minutën e 51-të pas një aksioni të bukur dhe asistimit të Fikayo Tomorit.

Ndeshja ishte e tensionuar deri në fund. Në minutat shtesë, trajneri Massimiliano Allegri u ndëshkua me karton të kuq pas debatit me arbitrin, shkruan Gazeta Express.

Gjithashtu, pati ferkime mes lojtarëve dhe pankinës, duke shtuar dramatizmin e ndeshjes.

Një moment i nxehtë erdhi në minutën e 100-të, kur Lazio kërkoi penallti pas një rishikimi në VAR,por arbitri nuk e akordoi penallti, duke lënë tifozët e Lazios të zhgënjyer.

Megjithatë, Milani arriti të ruajë avantazhin dhe të marrë tre pikët e plota, duke u ngjitur në krye të tabelës së Serie A me 28 pikë. Një fitore me shumë tension, dramatizëm dhe emocione për tifozët kuqezinj. /GazetaExpress/