Drenica ka arritur të marrë një rezultat të madh, duke e mposhtur Ballkanin në Skënderaj.
Në “Bajram Aliu”, Drenica fitoi 2-0 ndaj Ballkanit, shkruan “Gazeta Express”.
Fillimisht, serinë e golave e hapi Udoyen Akpan në minutën e 57-të të ndeshjes.
Në minutën e 64-të, Drenica e dyfishoi epërsinë me anë të Kreshnik Ukës.
Ndërkohë, në ndeshjen tjetër, në Podujevë, takimi u mbyll baras.
Prishtina e Re mori një pikë të madhe, të dytën me radhë dhe mbetet e pamposhtur ndaj Llapit këtë sezon.
Ishte pikërisht Prishtina e Re që shënoi e para në “Zahir Pajaziti” me anë të Elvis Prençit, por që golit të tij iu kundërpërgjigj Arianit Hasani.
Me fitoren e sotme, Drenica shkon në kuotën e 18 pikëve, dy më pak se Drita në vendin e tretë.
Ndërkohë, Ballkani mbetet me 23 pikë, tri më shumë se Drita, e cila ka mundësi të barazojë pikët me tri herë kampionin e Kosovës.
Llapi me pikën e sotme shkon në 17 pikë në vendin e gjashtë, teksa Prishtina e Re është e fundit me nëntë pikë, tri pikë më pak se Gjilani në vendin e nëntë./GazetaExpress/
