Drita vazhdon aventurën e saj evropiane, teksa sot nga ora 18:45 në stadiumin “Fadil Vokrri” do të përballet me skuadrën e njohur holandeze, AZ Alkmaar.

Kampioni aktual i Kosovës po zhvillon ndeshjen e pestë në fazën e grupeve të Ligës së Konferencës dhe deri më tani ka regjistruar rezultate mbresëlënëse: dy fitore dhe dy barazime. Bardhekaltërtit synojnë ta ruajnë ecurinë pa humbje dhe të sigurojnë edhe një rezultat pozitiv ndaj holandezëve.

AZ Alkmaar, nga ana tjetër, vjen në Prishtinë me të njëjtin bilanc – dy fitore e dy barazime – dhe kërkon tri pikë të rëndësishme në garën për kualifikim.

Për Dritën, mungesa e vetme do të jetë kapiteni Rron Broja, i cili nuk mund të paraqitet për shkak të një lëndimi.