Dua Lipa ka mahnitur sërish fansat e saj me një paraqitje tepër joshëse në rrjetet sociale.

Këngëtarja shqiptare me famë botërore, 30-vjeçare, publikoi të enjten një sërë fotosh “hot” në Instagram, ku shihet e veshur me një mini-fustan të guximshëm me sekuina metalike, të dizajnuar me prerje që nxirrnin në pah këmbët dhe siluetën e saj perfekte.

Ylli i popit pozoi mbi një piano, duke mbuluar thjesht pjesët intime me të brendshme të zeza, ndërkohë që kombinimi me taka të larta dhe vathë të mëdhenj në ar prej ari i jepte një pamje edhe më magjepsëse.

Krahas fotosh, Dua shkroi me humor: “Never not having fun”, duke i treguar ndjekësve të saj se stili dhe energjia janë gjithmonë pjesë e saj.

Shkëlqim në skenë me cheerleaders të Dallas Cowboys

Kjo paraqitje vjen vetëm pak ditë pasi Dua pushtoi skenën gjatë turneut të saj në Teksas, ku performoi në dy net magjike dhe surprizoi publikun duke u bashkuar me Dallas Cowboys Cheerleaders.

Veshur me një bodysuit me shkëlqim dhe më pas me një fanellë futbolli amerikan, ajo elektrizoi arenën, ndërsa vallëzoi krah për krah me grupin legjendar të cheerleaders.

Në rrjetet sociale, Dua e përshkroi emocionin e performancës me fjalët:

“DALLAS, çfarë netësh të pabesueshme!!! Shfaqje e mbushur me miq dhe energji të pafundme. Nuk fjeta pothuajse fare nga adrenalina.”

Dëmtimi misterioz dhe shqetësimet për shëndetin

Pak ditë më parë, fansat vunë re një mavijosje të errët në shpatullën e Duas, duke ngritur dyshime për një dëmtim. Burime për “The Sun” konfirmuan se ajo u kontrollua nga një radiolog dhe fatmirësisht mori “dritën jeshile” për të vazhduar turneun.

Edhe pse lëndimi është i dhimbshëm, artistja pritet të marrë trajtim fizioterapie, por pa ndikuar aspak në axhendën e saj të ngjeshur.

“Është thjesht një nga ato gjërat që ndodhin. Turneu do të vazhdojë pa asnjë problem,” tha një burim pranë këngëtares.

Dashuria me Callum Turner dhe planet për një rezidencë luksoze

Ndërkohë, jeta private e Duas është po aq në qendër të vëmendjes. Prej disa muajsh ajo ka konfirmuar fejesën me aktorin britanik Callum Turner, dhe të dy duket se po bëjnë hapa të mëdhenj në marrëdhënie.

Çifti i famshëm është duke kërkuar një vilë luksoze prej 9 milionë paundësh në zonat më të nxehta të Spanjës, si Marbella apo Andalucía, ku dëshirojnë të krijojnë një oaz privat për pushime, larg syve të publikut.

Jo vetëm kaq – përveç martesës së shumëpritur, Dua dhe Callum kanë vendosur të ndërmarrin edhe projekte profesionale së bashku. Ata kanë themeluar kompaninë e tyre të produksionit kinematografik, “TwentyTwo Films Limited”, duke i dhënë lidhjes së tyre një tjetër dimension.

Dua Lipa vazhdon të dëshmojë se është jo vetëm një divë e muzikës dhe modës, por edhe një grua që di të ndërthurë karrierën me jetën private dhe projektet e reja, duke u kthyer në një prej figurave më të admirueshme të showbiz-it botëror. /GazetaExpress/