Këngëtarja Dua Lipa ka bërë një postim sonte në Instagram

Ajo është parë duke pushuar bashkë me familje në diellin e ishullit St Barts, derisa sot ka veshur njërin prej fustaneve të saj më të mirë.

Është ky një fustan i zi, i hapur në bel dhe në gjoks, derisa ka thënë se është në një “darkë ditëlindje të vëllezërve të vegjël”.

Kujtojmë se Dua ka një vëlla, që është më i vogli në familje, Gjini, i cili e kishte festuar ditëlindjen e tij para një jave.

Dua po ashtu sot ka festuar edhe një gjë tjetër.

Kënga e saj “Levitating” është bërë njëra prej këngëve më të dëgjuara në SHBA. Melodia ishte e pashmangshme dhe dominonte valët e radios dhe platformat e transmetimit me versione të ndryshme, duke lëvizur në një numër të pabesueshëm shitjesh në vetëm 12 muaj, shkruan Forbes.

Sipas raportit të fundit të vitit 2021 të MRC Data, “Levitating” ishte kënga më e dëgjuar në ShBA, me 5.745 milionë shitje të pabesueshme ekuivalente. Kjo shifër përfshin blerjet aktuale, si dhe ekuivalentët e transmetimit. Dokumenti e rendit atë si një këngë solo, por për shumë muaj, versioni më i popullarizuar i këngës ishte ai me reperin DaBaby. Pasi ky i fundit bëri një skandal të madh mediatik me komentet e tij homofobike në një koncert, shumë fansa u rikthyen për të dëgjuar versionin origjinal dhe solo të këngës. /GazetaExpress/