Hetimet për falsifikim të rezultateve të votimit në rajonin e Gjilanit po vazhdojnë.

Zëdhënësi i policisë për rajonin e Gjilanit, Ismet Hashani ka thënë se deri tani janë intervistuar 14 persona, ndërsa intervistimi i të tjerëve do të vazhdojë.

“Hetimet po vazhdojnë, deri më tani janë intervistuar 14 persona dhe varësisht nga të gjeturat, Policia Rajonale e Hetimeve me koordinim të ngushtë me Prokurorinë e Shtetit do të vazhdojë edhe intervistimin e personave të tjerë, këta persona dyshohen për falsifikim të rezultateve të votimit”, tha Hashani