Dyshja simpatike e skenës muzikore shqiptare Ardi dhe Mirdoni kanë përgatitur një dhuratë speciale për fundvit për të gjithë fansat e tyre.

Artistët po sjellin një album muzikor, i cili tashmë është përfunduar dhe është gati për lansim.

Në një prononcim për #Gjesi, Ardi ka zbuluar se albumi përmban 10 këngë dhe të gjitha do të vijnë me videoklipe.

Projektet do të publikohen të dielën me 10 nëntor, kur edhe do të bëhet promovimi i tyre mes miqsh dhe bashkëpunëtorësh të artistëve.

Këngët i përkasin zhanreve të ndryshme duke filluar nga baladat e ndjera të dashurisë e deri tek këngët ritmike e popullore dhe veçantia është se nuk ka asnjë bashkëpunim brenda albumit.