E bija e liderit ushtarak iranian, Qasem Soleimani, ka paralajmëruar Shtetet e Bashkuara të Amerikës së do të përballen me “ditë të zeza” pas vrasjes së të atit ditë më parë.

Soleimani është vrarë nga forcat amerikane me anë të një droni gjatë një aksioni ditën e premte, shkruan BBC.

Duke i folur turmës në Tehran, Zeinab Soleimani e ka quajtur Donald Trumpin njeri të çmendur duke theksuar se “nuk ka përfunduar gjithçka me martirizimin e babait tim”.

Irani është zotuar se do të hakmerret ndaj Amerikës për vrasjen e kreut më të lartë ushtarak të saj. 62-vjeçari në të kaluarën ka ndërmarrë një sërë operacionesh ushtarake në Lindje të Mesme dhe nga Amerika është cilësuar si terrorist.