Napoli e fitoi mbrëmë trofeun e Superkupës së Italisë, pasi e mposhti në finale Bolognan 2-0.
David Neres ishte më i miri i ndeshjes me dy gola të shënuar, shkruan “Gazeta Express”.
Pas tij, më i vlerësuari nga lojtarët në fushë ishte edhe kapiteni i kombëtares së Kosovës dhe mbrojtësi i Napolit, Amir Rrahmani.
Rrahmani luajti përgjatë tërë 90 minutave dhe pati një ndeshje mjaft të mirë.
Një ditë pas ndeshjes, Rrahmani ka reaguar me një postim në rrjetin social “Instagram”.
Ai ka postuar disa foto të tij nga ndeshja e mbrëmshme dhe ka shkruar “Histori” në postimin e tij.
Ky ishte trofeu i tretë i Rrahmanit me Napolin, pasi më parë e kishte fituar dy herë Serie A, më 2023 dhe më 2025./GazetaExpress/
