Moderatorja e njohur Bora Zemani është treguar shumë aktive në rrjete sociale gjatë ditëve të karantinës, duke ndarë me ndjekësit rutinën e saj. Së fundmi ajo ka zbuluar se ka vendosur të lyejë flokët vetë në shtëpi, duke qenë se parukeritë qëndrojnë të mbyllura si pasojë e Koronavirusit.

Bora ka publikuar foto në Instastory dhe ka treguar se gjërat nuk kanë shkuar dhe aq mirë. Moderatorja është përlyer e gjitha me bojë dhe shkruan: "Kush tha që është e lehtë të lyesh flokët vetë?".

Në një postim tjetër ajo ironizon me humor personat që shprehen se vajzat brune e kanë më të lehtë me flokët. "Hë se brune je, i lyen kollaj", shkruan moderatorja me të qeshura. Ndonëse lyerja e flokëve u shoqërua me një rrëmujë të madhe, mbetet për t'u parë rezultati.