Ish-ylli i YouTube, Jake Paul, pasi mundi Mike Tyson në një ndeshje boksi pak muaj më parë, ka konfirmuar duelin e tij të radhës, kësaj here kundër vëllait të tij, Logan Paul.

Të dy ata, prej kohësh kanë qenë viral në rrjet si dy yje të mëdhenj të YouTube, teksa më vonë të dy u angazhuan në boks.

Jake numëron 12 duele, nga të cilat 11 i ka fituar dhe ka humbur vetëm një, atë përballë Tommy Fury.

Nga ana tjetër, Logan ka zhvilluar vetëm tre ndeshje, nga të cilat ka fituar 1, ka humbur 1 dhe në tjetrën është mbyllur barazim, pikërisht kundër Floyd Mayweather Jr. në vitin 2021.

Pas kësaj, Logan vendosi të bashkohej me kompaninë e njohur të wrestling, WWE, përcjell tch.

Sfidën e kanë konfirmuar që të dy vëllezërit, e cila do të zhvillohet më 27 mars.