Mesfushori i Romës, Javier Pastore, beson se është e pamundur që sezoni në Serie A të përmbyllet, për shkak të koronavirusin që është duke e rrënuar Italinë.

Italia është ngujuar tash e dy javë, pasi qeveria e vendit është duke bërë përpjekje ta fusë nën kontroll pandeminë koronavirus, e cila i ka marrë më shumë se 4.800 jetë në vend deri tani, transmeton Gazeta Express.

Vetëm të shtunën, pra dje, mbi 790 persona vdiqën si pasojë e Covid-19.

Sporti në gjithë botën është pezulluar, ndërsa Serie A është shtyrë të paktën deri në prill dhe Kampionati Evropian 2020 është shtyrë për vitin e ardhshëm.

Është thënë se Serie A do të rinisë në maj ose qershor, por Pastore ka dyshime serioze se ky sezon mund të përmbyllen shkaku i koronavirusit.

“Do ta shohim nëse luajmë përsëri këtë sezon. Të jem i sinqertë, mendoj se do të jetë e pamundur ta mbarojmë sezonin, sepse ne kemi nevojë për 20 apo 30 ditë të tjera për t’u stërvitur”, tha argjentinasi.

“Të gjitha klubet do të humbasin para, por mendoj se është e pamundur ta rinisim aty ku e lamë”, shtoi ai. /Gazeta Express/