Sipas një studimi të ri që përdor “Raportin e Artë” të bukurisë, aktorja amerikane Emma Stone është zyrtarisht gruaja më e bukur në botë.
Fituesja e çmimit Oscar për filmat Poor Things dhe La La Land rezultoi 94.72 për qind në përputhje me standardin e përsosmërisë fizike që përcakton kjo formulë e lashtë greke.
Sipas Dr. Julian De Silva, drejtor i Centre for Advanced Facial Cosmetic and Plastic Surgery në Londër, “Emma Stone ishte fituesja e qartë kur u matën të gjitha elementet e fytyrës për përsosmëri fizike.”
“Ajo mori pikët më të larta për vetullat (94.2%) dhe rezultate të shkëlqyera në çdo kategori tjetër. Ka një vijë të nofullës pothuajse perfekte (97%) dhe buzë të harmonizuara në mënyrë ideale (95.6%). Emma doli në krye për shkak të përputhshmërisë së qëndrueshme në të gjitha elementet e Raportit të Artë,” – shtoi ai.
Zendaya, Beyonce dhe Margot Robbie në listën e “fytyrave shkencërisht të bukura”
Në vendin e dytë renditet aktorja e Dune, Zendaya, me 94.37%, shumë pranë rezultatit të Stone.
Dr. De Silva shpjegon: “Zendaya mori nota të larta për buzët (99.5%), sytë (97.3%) dhe ballin (98%), por humbi disa pikë për distancën mes hundës dhe buzës si dhe formën e vetullave.”
Në vendin e tretë renditet aktorja e Slumdog Millionaire, Freida Pinto (94.34%), ndërsa pas saj vjen ylli i The Crown, Vanessa Kirby (94.31%).
Aktorja e re Jenna Ortega ka ballin më të bukur në botë (99.6%), por humbi pikë për formën e fytyrës (88%).
Lista përfshin gjithashtu Olivia Rodrigo (93.71%), Aishwarya Rai Bachchan (93.41%), Tang Wei (93.08%) dhe në fund Beyonce (92.4%), e cila megjithatë rezultoi me formën më të përsosur të fytyrës (99.6%).
Çfarë është “Raporti i Artë”?
“Raporti i Artë” është një ekuacion matematikor i lashtë grek që përpiqet të masë bukurinë përmes simetrisë dhe përmasave.
Kjo formulë – që njihet edhe si Phi (1.618) – është përdorur nga artistët dhe arkitektët e Rilindjes, përfshirë Leonardo Da Vincin në veprën e tij të famshme Njeriu i Vitruvit.
Në ditët e sotme, shkencëtarët e kanë përshtatur për të analizuar fytyrën njerëzore.
Me ndihmën e hartave kompjuterike 3D, studiuesit matin distancat nga balli te hunda, nga hunda te mjekra, dhe simetrinë e përgjithshme të tipareve.
Sa më afër të jetë raporti i këtyre përmasave me numrin 1.618, aq më “e përsosur” konsiderohet fytyra.
Edhe burrat janë matur sipas kësaj formule
Dr. De Silva ka përdorur të njëjtën metodë edhe për të zbuluar burrat më të pashëm në botë.
Fituesi i vitit të kaluar ishte Aaron Taylor-Johnson, me 93.04%, përpara Lucien Laviscount, Paul Mescal dhe Robert Pattinson.
“Nëse Aaron Taylor-Johnson do të zgjidhej si James Bond, do të ishte me lehtësi Bond-i më i pashëm në histori,” – tha Dr. De Silva, duke theksuar se ai la pas edhe ikonat si Sean Connery dhe Roger Moore.
Në fund, pyetja mbetet:
A është bukuria thjesht çështje shijesh, apo mund të matet me numra? /GazetaExpress/
10 femrat më të bukura në botë
- Emma Stone – 94.72%
- Zendaya – 94.37%
- Freida Pinto – 94.34%
- Vanessa Kirby – 94.31%
- Jenna Ortega – 93.91%
- Olivia Rodrigo – 93.71%
- Margot Robbie – 93.43%
- Aishwarya Rai Bachchan – 93.41%
- Tang Wei – 93.08%
- Beyoncé – 92.4%
