Ndonëse Brescia po “noton në ujërat e turbullta” të mbijetesës, Sandro Tonali vijon të spikatë me paraqitjet e tij dhe nga dita në ditë shtohet numri i skuadrave pretendente për të marrë shërbimet e tij.

Kështu krahas Interit e Juventusit në Serinë A, mesfushori 20-vjeçar ndiqet edhe nga klube si PSG, Manchester United, Manchester City, etj., ndërsa së fundi ka dalë në skenë emri i Atleticos së Madridit.

Skuadra spanjolle po kalon një sezon me peripeci të shumta dhe Diego Simeone po përgatit një revolucion në skuadër, ndaj sheh te Tonali njeriun e duhur për t’i besuar një projekt afatgjatë dhe për t’i lënë organizimin e lojës së Los Colchoneros.

Momentalisht kartoni i Tonalit vlerësohet rreth 50-60 milionë euro, por hyrja në garë e shumë skuadrave të mëdha europiane mund të sjellë rritje të ndjeshme të vlerës së tij, që mund të shkojë deri në 80-90 milionë euro.