Ish-kryenegociatorja e bisedimeve Kosovë – Serbi, Edita Tahiri, thotë se nëse Serbia nuk e njeh Kosovën në kufijtë ekzistues, mund të ketë luftë, raporton Gazeta Express

Në konferencën e Institutit Demokratik të Kosovës, “Rruga drejt marrëveshjes finale Kosovë-Serbi”, ku po diskutohet për dialogun, ish-kryenegociatorja ka thënë se Serbia nuk ka pasur asnjëherë sovranitet në Kosovë.

Ajo shton se dialogu nuk është ndalur për shkak të taksës, por sepse Kosova ishte në rrezik.

“Dialogu nuk ka ndaluar për shkak të taksës, por se shteti i Kosovës ishte në rrezik”, thotë Tahiri.

Sipas saj, Kosova dhe Serbia nuk janë “dy Gjermani”.

“Nëse Serbia nuk e njeh Kosovën në kufijtë ekzistues, pra shtet të pavarur, do të kemi edhe luftë”, bëri të ditur. /GazetaExpress/