Teksa post “BBV” mblodhi të gjithë ish-banorët e “BBV3”, Egla Ceno, si fituese e këtij edicioni ka folur më tepër lidhur me fitoren e saj teksa është shprehur se e shihte veten në një përballje të fortë mes Julit dhe Romeos.

Sakaq menjëherë ka ndërhyrë Meritoni i cili i është shprehur, se këtë fitore ajo e ka marrë nga Ilnisa dhe ai, teksa rikujtojmë këtu që të tre ish-banorët kanë qenë në “Dhomën e Bardhë” nga ku u eliminua Ilnisa.

Egla: Ishte e pabesueshme, në kokën time ishte e sigurt që në mentalitetin e shoqërisë sonë, unë e dija që isha e pamundur të mbërrija deri në fitore. Kam ndjerë 4-fishin e ngarkesës se shihja veten përballë shumë të fortëve si Juli dhe Romeo, isha në pikëpyetje në luftë, e dija që e kisha me këta “Big-un” tim. Jam përpjekur fort të jem aty në të gjitha ujërat dhe pellgjet.

Meriton: Pse nuk e pranon që ta dhamë fitoren unë dhe Ilnisa?

Egla: Unë thashë që lojën e kisha me Romeon dhe Julin!