Edicioni i parë i Big Brother VIP Kosova mund të ketë përfunduar, por jo edhe debatet rreth tij.

Reperi nga Shqipëria, Stresi u shpall fituesi i këtij edicioni duke qëndruar në shtëpinë e famshme për më shumë se 100 ditë.

Pas spektaklit të finales, u organizua edhe një Post Big Brother VIP ku ishin të ftuar një pjesë e banorëve që ishin pjesë e këtij rrugëtimi.

Mes disa prej ish-banorëve pati debate të forta duke bërë që në studio të ketë shumë diskutime, por edhe tension mes tyre.

Programi ishte nën moderimin e prezantueses Elita Rudi, e cila sot (e mërkurë) ka bërë një reagimi për këtë përmes një postimi në llogarinë e saj në Instagram.

Elita tha se ndonëse ajo e ka kryer punën e vet në mënyrën më të mirë të mundshme në një studio ku kishte shumë ofendime, kërcënime dhe që vihej në pikëpyetje funksioni i gjithë produksionit.

Moderatorja u shpreh se ajo në disa raste ka mbetur pafjalë nga paedukata dhe sjellja gjatë debateve që u zhvilluan mes ish-banorëve.

Më poshtë postimi i plotë i Elita Rudit:

Përshëndetje, ka ardhur koha me i thënë dy fjalë pas bujës që la “Post Big Brother”. Unë jam shumë rehat me mënyrën sesi e ka superuar programin, dinamikat dhe gjithë të tjerat që kanë ndodhur në atë program të gjatë dhe me tension. Ndoshta kam reaguar edhe ashpër, por jo me cinizëm, ndoshta e kam ngritur zërin, por jo pa arsye, ndoshta kam kundërshtuar, por jo pa argument, kam ngel edhe pa fjalë, ama veç nga paedukata dhe sjellja e devijuar. Si do ta menaxhoja ndryshe një studio me shumë frustrim, tensione, ofendime, kërcënime, ku vihej në pikëpyetje funksioni i një produksioni të tërë? Ta dini, ky format është sfidues. Shihemi shpejtë në projekte që sjellin më tepër pozitivitet, frymë dhe energji të mirë.