“Çdo gjë është shumë konkurruese dhe është e vështirë të dalësh nga ajo…”

Aktorja e famshme, Amanda Peet, ka ndarë një rrëfim të sinqertë për jetën në Hollywood, duke rrëzuar idenë e një realiteti të përsosur dhe duke e cilësuar industrinë si një botë të mbushur me iluzione.

Ajo foli hapur për perceptimin e gabuar që ekziston rreth famës dhe suksesit. Duke iu referuar mënyrës si shihet jeta e yjeve nga jashtë, ajo u shpreh: “Është një iluzion, nuk ka asgjë atje. Çfarëdo aforizmi që përmendni, vlen edhe për ne. Dëshpërimi është i pranishëm kudo. ‘Çfarë po bëjnë atje? Pse nuk e kam unë atë? Pse nuk dukem kështu?’ Kjo është ana negative,” tha ajo.

Peet theksoi gjithashtu konkurrencën e fortë që karakterizon industrinë e filmit. “Do të dukem patetike. Çdo gjë është shumë konkurruese dhe është e vështirë të dalësh nga ajo mentalitet ku torta është shumë e vogël dhe ka shumë njerëz që e duan”, tha ajo.

Një tjetër sfidë që ajo përmendi është edhe plakja në një industri që favorizon rininë. “Jam më e madhe, kështu që kam shumë më tepër qetësi për këtë, por është vërtet e vështirë ta gjesh. Është e vështirë të mos duash të ndjekësh famën tënde, nëse je mjaftueshëm me fat ta kesh, dhe në vend të kësaj thjesht të pyesësh veten: ‘Çfarë dua të bëj vërtet kur bie alarmi në mëngjes? A është kjo e dobishme dhe a i shërben ndonjë qëllimi dikujt?’” tha ajo.

Aktualisht, aktorja është pjesë e sezonit të dytë të serialit “Your Friends & Neighbors”, ku premton zhvillime edhe më të forta në histori. “Ekziston edhe çështja e jetës sekrete të Coop. Mendoj se këtë sezon shumë njerëz po fillojnë të dyshojnë se diçka po ndodh me Coop. Kjo e bën gjithnjë e më të rrezikshme që ai të vazhdojë të bëjë atë që po bën, gjë që është jashtëzakonisht emocionuese”, tha ajo.

Peet u ndal edhe tek përvoja personale, duke përfshirë trajtimin e menopauzës në serial. “Ishte katarsike të isha në gjendje të kanalizoja frustrimet dhe zemërimin tim për menopauzën në një situatë të përshtatshme, domethënë duke luajtur një personazh, në vend që të futesha në jetën time”, zbuloi ajo.

Së fundmi, ajo foli edhe për diagnozën me kancer në gji, duke ndarë emocionet e para: “Mendova për fëmijët e mi dhe u ndjeva e tmerruar”, tha ajo.