Prej disa ditësh po përflitet se aktori i famshëm, Can Yaman, është në një lidhje me gazetaren e njohur të sportit në Itali, Diletta Leotta.

E para që hodhi aludimet rreth një lidhje të mundshme mes Can dhe Diletta, ishte Anna Pettinelli gjatë emisionit të saj në radio në RDS. Ajo siguroi se kishte dëgjuar për flirtin nga burime të besueshme, madje shtoi se ata kanë qëndruar në të njëjtin hotel në Romë.

nga ana tjetër, revista e njohur ‘Chi’ ka publikuar foto ku dyshja shfaqen në moment private duke u puthur dhe përqafuar. E jo vetëm kaq! Pasi thuhet se ata kanë kaluar 5 netë në një hotel në Romë, nga ku kanë publikuar edhe foto.

Asnjëri prej tyre nuk ka reaguar rreth këtyre zërave, teksa Can sapo ka postuar një status të koduar në “Instastory”-n e tij. “Është puna ime! Pikë”, ka shkruar duke e shoqëruar me një emoji si për t’ju thënë mediave “heshtni”.