Ish-trajneri i Milanit dhe Anglisë, Fabio Capello, ka kritikuar ashpër vendimin për t’i dhënë Liverpoolit një penallti të vonshme dhe vendimtare në fitoren 1-0 ndaj Interit në “San Siro”, duke e quajtur atë “skandaloze” pasi një rishikim nga VAR-i u dha mysafirëve penalltinë për atë që italiani e përshkroi si “simulim të qartë”.

Duke folur për “Sky Sport” pas ndeshjes, Capello tha: “Është një penallti skandaloze – nuk e kuptoj pse VAR-i duhej të ndërhynte kur gjyqtari i pa të gjitha, simulimin e qartë të hedhjes në tokë”.

Ndeshja kishte pasur tashmë mjaft dramë me VAR-in, pasi një gol i Liverpoolit u anulua më herët për prekje të topit me dorë.

Megjithatë, në fund, “Reds” përfituan nga ndërhyrja e sistemit, kur u gjykua se Bastoni tërhoqi fanellën e Florian Wirtz.

Capello pati më shumë kritika për arbitrimin: “Nuk e kuptoj fare VAR-in sonte, iu deshën 3 minuta për të anuluar një gol të qartë me dorë.”

Në fund, trajneri i pensionuar goditi vendimin “të turpshëm”, që e sheh Interin të zbresë në vendin e pestë në tabelë, një pikë pas rivalëve të Serie A, Atalanta, që i kanë kaluar sonte pas fitores mbresëlënëse 2-1 ndaj Chelseat.

“Dhe e thirrën gjyqtarin për një tërheqje fanelle që do të thoshte të kishim një milion penallti për çdo ndeshje. Ata vendosën një precedent dhe është e turpshme,” përfundoi Capello.

Inter tani do të duhet të presë mbi një muaj deri te ndeshja e radhës në Ligën e Kampionëve, kur do të presë në “San Siro” gjigantin anglez në formë, Arsenalin./GazetaExpress/