Gazeta “Tuttosport” raporton se Juventusi është gati të bëjë një ofertë të re për të vazhduar kontratën e Kenan Yildizit, pasi babai i sulmuesit, Engini, ka mbërritur në Torino.

Sipas “Tuttosport”, pritet që bisedimet mbi rinovimin e kontratës së Yildiz të vazhdojnë ditët në vijim.

Gazeta e Torinos pretendon se anëtarë të familjes Yildiz kanë ardhur në Itali, dhe jo vetëm për pushime.

Babai i sulmuesit, Engini, pritet të takohet me drejtorët e klubit për negociata kontraktuale, i ndihmuar nga një ndërmjetës i njohur, Jorge Mendes.

Kontrata aktuale e Yildizit skadon në qershor të 2029-ës, por numri 10 i “Bianconerëve” ka bërë tashmë diferencën në skuadër, dhe paga e tij prej 1.5 milionë eurosh nuk pasqyron statusin e tij në “Allianz Stadium”.

Sipas raportimit, kërkesa e Yildiz për pagë është 6 milionë euro në sezon, një shifër që Juventusi është i gatshëm ta plotësojë, duke përfshirë edhe bonuse të lehta për t’u arritur.

Yildiz, 20 vjeç, ka shënuar gjashtë gola dhe ka dhënë gjashtë asistime në 20 paraqitje në të gjitha kompeticionet këtë sezon./GazetaExpress/