Moderatorja e dashur për publikun, Luana Vjollca, është një ndër personazhet më të komentuar të showbiz-it shqiptar.

Me çdo dalje publike apo edhe me postimet në rrjetet sociale, Luana tërheq menjëherë vëmendjen e të gjithëve.

Ndërkohë çdo të shtunë në emisionin e saj “Shiko Kush Luan”, bukuroshja vendos që të eksperimentojë paksa me look-un e saj.

Së fundmi, moderatorja e njohur ka publikuar një video në “Instagram”, ku ka zbuluar se si do të shfaqet këtë të shtunë.

Kësaj radhe Luana ka vendosur që flokët t’i mbajë të lëshuara, por ka bërë një ndryshim, duke u shfaqur me baluke dhe duhet thënë se i shkojnë shumë.

E si çdo postim tjetër e saj, edhe kjo video ka marrë me mijëra pëlqime dhe komente, ku fansat nuk ia kanë kursyer komplimentet.

Përsa i përket muzikës, Luana duket shumë e angazhuar. Pesë muaj më parë publikoi duetin me Jay Santos, ndërsa ka paralajmëruar se po punon me një tjetër projekt.