Hoffenheimi ka bërë një postim të veçantë për djelmoshat dardanë që i ka pjesë të skuadrës.
Klubi gjerman i ka uruar suksese Fisnik Asllanit, Albian Hajdarit dhe Leon Avdullahut për ndeshjen e sontme ndaj Zvicrës.
Megjithatë, këta dy të fundit nuk do të luajnë fare sonte, pasi selektori i Kosovës, Franco Foda nuk i ka përfshirë në listën e lojtarëve, shkaku i rrezikimit të suspendimit.
“Fat të mbarë, djema”, shkruan Hoffenheimi në rrjetin social “Facebook”.
Ndeshja Kosovë – Zvicër luhet me fillim nga ora 20:45 sonte, dhe zhvillohet në stadiumin “Fadil Vokrri” në Prishtinë./GazetaExpress/
