Xhudistet e Kosovës, Fatjona Kasapi dhe Erza Muminoviq, kanë fituar medalje në Kupën Evropiane U21, që këto dy ditë u zhvillua në Athinë të Greqisë.
Fatjona fitoi medaljen e artë, ndërsa Erza të bronztën, përcjell Gazeta Express.
Fatjona, Shpresë Olimpike 2022, fitoi të artën në kategorinë deri në 57 kilogramë, ndërsa Erza, bursiste olimpike Paris 2024, në kategorinë deri në 52 kilogramë.
Fatjona Kasapi shënoi katër fitore, ndërsa Erza Muminoviq tri fitore e një humbje./Gazeta Express/
